कोल्हापूर ब्रेकींग न्यूज

  कोल्हापूर (प्रतिनिधी): माहितीचा अधिकार कार्यकर्ता फेडरेशन तसेच माहिती अधिकार कार्यकर्ता महासंघाच्या शहर उपसंघटीका म्हणून सौ. सरिता सागर चौगले यांची नियुक्ती करण्यात आली.    भारतीय कायदे तसेच    माहिती अधिकाराचा प्रचार व प्रसाराचे काम ही संघटना करत असते. तसेच नागरिकांच्या वर अनेक शासकीय - निम शासकीय कार्यालयांमध्ये    काही वेळा अन्याय होत असतो अशा वेळी माहीतीच्या अधिकाराचा वापर करून त्यांना न्याय मिळवून देण्यासाठी ही संस्था कार्यरत असते.कोल्हापूरातील सामाजीक कार्यकर्त्या सरीता चौगले यांच्या सामाजीक कार्याची दखल घेत महासंघाचे संस्थापक अध्यक्ष सुभाष बसवेकर यांनी सरिता चौगले यांची कोल्हापूर शहराच्या उप संघटिका पदी निवड केली आहे. या निवडीसाठी राणी गायकवाड यांचे विशेष सहकार्य लाभले.

  कोल्हापूर (प्रतिनिधी): कोल्हापुरातील शिवाजीपेठ येथील सामाजिक कार्यकर्त्या व पद्माराजे महीला संघटनेच्या अध्यक्षा सरिता सासणे यांना श्रम फाउंडेशनच्या वतीने 'श्रम भुषण पुरस्कार' देऊन गौरवण्यात आलं. देशाचे पहिले सुवर्णपदक विजेते आणि अर्जुन पुरस्कार विजेते पद्मश्री मुरलीकांत पेटकर आणि पश्चिम महाराष्ट्र देवस्थान व्यवस्थापन समितीचे सचिव शिवराज नायकवाडे यांच्या हस्ते सासने यांना गौरविण्यात आले. सरिता सासने यांचा अनेक सामाजिक कार्यातील सहभाग,त्यांचे संघटन कौशल्य व    संस्कृतिक क्षेञातील त्यांच्या उल्लेखनीय कार्याची दखल घेऊन हा पुरस्कार त्यांना देण्यात आला.कार्यक्रमाचे निवेदन अनिता घाटगे यांनी केले.यावेळी श्रम फाऊंडेशनचे अध्यक्ष कमलाकर सारंग , सचिव वैशाली सारंग,विजय ककडे,भारत खराडे,सुनिल नागावकर,विद्यासागर पाटील, बाजीराव नाईक , पदमाराजे महिला संघटनेच्या    सुषमा सावंत , छाया पाटील, अलका कोळेकर , हेमलता देसाई, श्रुती मिस्त्री यांच्यासह मान्यवर उपस्थीत होते.

  कोल्हापूर (प्रतिनिधी): कोल्हापूर महानगरपालिकेचे माजी नगरसेवक    कैलासवाशी संतोष गायकवाड यांच्या पत्नी श्रीमती राणी संतोष गायकवाड यांची भारतीय जनता पार्टीच्या महानगर जिल्हा महिला मोर्चाच्या सदस्य पदी निवड करण्यात आली. त्यांचा पक्षातील सक्रिय सहभाग व त्यांचे सामाजिक कार्य पाहून ही निवड करण्यात आल्याचे भारतीय जनता पार्टीच्या महिला मोर्चाच्या जिल्हाध्यक्षा रुपाराणी निकम यांनी सांगितले.तर यावेळी बोलताना राणी गायकवाड यांनी पक्षाची ध्येय धोरणे व भाजप सरकारने केलेली विकास कामाची माहिती तळागाळापर्यंत पोहोचवणार असल्याचे सांगितले. गायकवाड यांच्या निवडीला भाजपच्या महीला मोर्चाच्या जिल्हा उपाध्यक्षा सरिता चौगले यांचे विशेष सहकार्य लाभले. निवडीचे पत्र    समारंभ पूर्वक जिल्हाध्यक्षा रुपाराणी निकम यांच्या हस्ते राणी गायकवाड यांना देण्यात आले. यावेळी वंदना बबलवार,रीमा पालणकर,अलका देसाई, रूपाली आगळे, सीमा पालकर, शारदा पोटे, वैशाली पवार यांच्यासह महिला मोठ्या संख्येने उपस्थीत होत्या.